MURRURUNDI GAPMurrurundi Gap, New South Wales

Entorno

A segunda xornada da VII Liga de Primaveira lévanos ata o distrito de Upper Hunter, no interior da rexión de Hunter. Murrurundi Gap agarda polas nosas prediccións.

Murrurundi Gap, tamén coñecido por Nowlands Gap é un paso montañoso na Liverpool Range, que forma parte da Great Dividing Range, que cruza a costa oriental de Australia dende o norte ata o sur, cubrindo máis de 3500 kilómetros. “Gap” en inglés é brecha ou paso, e este comunica as Northern Tablelands coa rexión de Hunter, en New South Wales.

O pobo de Murrurundi é principalmente rural, baseado na gandería e a agricultura. Rodeado completamente de montañas, foi o fogar dos aboríxenes Wanaruah e os Kamilaroi ata a chegada dos europeos, na década de 1820. Ata o fin da I Guerra Mundial a economía estivo baseada na cercana mina de esquisto do monte Temi.