11ª xornada · O XiproDomingo 6 de decembro de 2026 · XIII Inverneira 2026

Entorno

O Xipro inaugura a serie de xornadas de montaña da Liga da Inverneira en Galicia, principalmente en Lugo e Ourense. Isto durará ata comezos de Febreiro, polo que recomendamos poñer o chip de montaña. E a primeira en visitar é no concello de A Fonsagrada.

O Xipro é unha localidade de 6 habitantes preto de A Fonsagrada. Este concello e o máis extenso de toda Galicia. Forma parte do Camiño Primitivo e parada obrigatoria é a Capela de Santa María, que tiña albergue e unha fonte (Fontem Sacra)que lle da nome o pobo. Durante toda a sua historia, a localización na ruta Xacobea fixo que se fundaran moitos hospitais de peregrinos. As xentes da comarca viviron sempre baixo o xugo de señores e ainda despóis das guerras irmandiñas as condicións de vida non melloraron en demasía.

Os embutidos de A Fonsagrada son coñecidos en toda Galicia. E por riba de todos eles sinalamos os chourizos, os butelos e as androias. Supoñemos que todos sabedes o que é un chourizo. O butelo énchese con costillar e peles. Faise na tripa cega, pero se vai feita no estómago leva ósos de solana e o peso varía entre 3 e 13 kilos. A androlla énchese con picadillo de chourizo, peles a maiores e feito con tripa lisa ou intestino cego.