A 14ª xornada da Liga da Inverneira desenvolvéuse baixo o sinal do anticiclón e foron poucas as diferenzas de puntos entre apostantes. Pero, coma sempre, algo movéuse a Clasificación Xeral para vari@s meteoludópatas, ás veces de forma imperceptible. Tamén vimos cómo os residentes na parte baixa da xeral teñen a súa oportunidade e sabemos que non se poden deixar escapar. Nunha xornada onde o normal sería ter unha chea de gañadores atopamos a un vencedor en soidade, deses da parte baixa da távoa, que pode ser que xa teña cumprido un dos seus obxectivos, obter unha vitoria e como engadido, non compartila con ninguén.
Os datos fixéronse absolutos dende ben cedo no domingo. Cara as 03:00 horas marcóuse a temperatura mínima que remataría sendo a definitiva, 3º C. Nesa mesma franxa horaria acadóuse un refacho de 15 km/h. redondeados, que ainda que foi superado na tardiña, non modificou o redondeo inicial. A temperatura máxima chegou ata os 13º C. na mañanciña, cara as 11:00 horas e, como se agardaba, a chuvia ausentóuse na Serra do Eixo.
Con estes resultados obtivemos un heroe en soidade, que con 58 puntos quitóulle o protagonismo ós ocupantes da parte alta da clasificación. M. B. Joaquín, que merodeaba polo posto 34, cunha cuadrícula chea de ausencias e penalizacións, convertéuse no vencedor único nesta 14º xornada. Perdeu somentes 2 puntos, un na temperatura máxima e outro nos refachos de vento, sendo o xogador que acertou a temperatura mínima en exclusiva. É a súa 5ª vitoria histórica, 2ª en soidade e o resultado na xeral ´ñe apenas imperceptible: sobe ata o lugar 32 dende o 34. Pero a súa fazaña xa se troba nos cantares de xesta. Joaquín, benvido de novo ó protagonismo da Liga da Inverneira!!
A segunda mellor marca da xornada foi de 57 puntos, correspondentes a Balboa e Michi. Preto da vitoria teñen que conformarse coa mellora na xeral. Balboa recupera o Top-10 e agora se atopa na 8ª posición (a xeral reflicte 9º, pero no desempate por vitorias supera a Compoñente Sur) e acosa a Breogán77 na 7ª posición. Mentras, Michi supera a Popolo e acada a 15ª praza achegándose o Top-10 da xeral.
Con 56 puntos atopamos ó líder Botikas, que vai aumentando a vantaxe sobre os persecutores e xa disfruta dunha marxe de 6 puntos sobre Kaltxon e Verducido. Non vos soa doutras edicións? Ou espabilan ou marcha cara un novo título. Compoñente Sur mantén as súas opcións dentro do Top-10 presionado por Balboa pero presionando a Breogán77. Modesto e Punteiro seguen escalando posicións dende un pobre inicio de competición e agora buscan os postos de acceso ó Top-10. Denodeno tamén nota melloría e entra no Top-30 da xeral.
Estes son os 8 mellores en Serra do Eixo. A Clasificación xeral segue comandada con man de ferro por Botikas, alonxándose de Verducido e Kaltxon respectivamente. Beocha segue na 4ª posición a menos de 10 puntos do podio. Mina e Landrán 7 puntos por tras na 5ª e 6ª posición, cun pequeno abismo sobre Breogán77 na 7ª praza e presionado por Balboa, Compoñente Sur e Marius, que pecha o Top-10 da xeral. A seguir, unha morea de lobos esfameados que tratan de usurpar os postos de privilexio e que agardan a chuvia coma factor diferencial.
Se queres acadar tódolos datos resultantes da 14ª xornada desputada na Serra do Eixo, pica no enlace que ofertamos embaixo estas letras.
Resultados en Serra do Eixo. 14ª etapa da Liga da Inverneira